श्रीकृष्ण गोबिन्द हरे मुरारे हे नाथ नारायण बासुदेव हरी किर्तन गरौं हामी सबै हाँसी हाँसी ॥ जान आँट्यो यो जीबन कति भन्छौ मेरो ॥ फिजाई रहेछ यमराजले कालको घेरो ॥ व्रत बस्नु एकादशी तीर्थ जानु कॉसी ॥ धर्म कर्म भन्ने हामीले गर्नुपर्छ हेर ॥ नत्र भने यो जीबन त्यसै जान्छ खेर ॥ धन सम्पति कमाएर साथमा लाने होइन ॥ भजन किर्तन गर्नलाई कहिले फुर्सद छैन ॥ भजन किर्तन गरे पनि अन्त्यमा भोज ॥ मर्ने बाँच्ने थाहा छैन कति गर्छौं मोज ॥ खान लाउन पिउन मात्र जीबन हाम्रो होइन ॥ कोहि जीव जन्तु माथि हाम्रो दया छैन ॥ हामीलाई काटे कस्तो दुख्छ उसलाई दुख्दैन र ॥ हामी सबले बुझ्नु पर्ने यही होइन र ॥ भगवानले दिएको छ सोच्ने शक्ति हामीलाई ॥ आत्मा साक्षी राखी सोचौं हामीले मार्ने कसलाई ॥